“Bakı”nın rumın hücumçusu Marius Pena ilk günlərdən diqqət mərkəzindədir.Korner.az-ın məlumatına görə, inamlı və məhsuldar oyunu ilə seçilən forvard "Bakı" futbol klubunun rəsmi internet saytının suallarını cavablandırıb
– Artıq bir aydır ki, Azərbaycandasan. Ölkə çempionatında dörd oyun keçirmisən, az da olsa, təcrübə toplamısan. Ümumiyətlə ,Premyer Liqa barədə hansı fikirdəsən?
– Çempionat çox gərgin keçir, son tura qədər ən azı dörd komanda ilk altığa düşmək üçün mübarizə aparır. Bu amil çempionatın gərgin və maraqlı keçməsindən xəbər verir.
"Bakı"nın heyətində dörd oyun keçirmişəm, iki dəfə fərqlənmişəm və bu mənim üçün yaxşı haldır. Təəssüf ki, sonuncu oyunda penaltidən yararlana bilmədim və buna görə komanda yoldaşlarım, baş məşqçi, rəhbərlik və azarkeşlərimizdən üzr istəyirəm. Həmin oyunda qalib gəlsəydik, indi vəziyyətimiz tam başqa olardı. Ancaq bu futboldur, kiminsə belə hadisələrdən sığortası yoxdur. Çalışacağam ki, növbəti oyunlarda vurduğum qollarla onları sevindirim.
– “Bakı”nın növbəti oyunu kubok turnirinə təsadüf edir. “İnter”lə derbi barədə nə deyə bilərsən?
– “İnter” barədə çox məlumatlı olmasam da, təkcə onu qeyd etmək kifayət edər ki, onlar çempionatın liderlərindən biridir. Bu da ondan xəbər verir ki, rəqib güclü və ciddi klubdur. Buna baxmayaraq, mən inanıram ki, biz bu oynda qələbə qazanaraq ikinci oyun öncəsi yaxşı nəticə əldə edəcəyik. Əminəm ki, növbəti tura biz keçəcəyik.
