Həsrət Cəfərov İslam Həmrəyliyi Oyunlarının finalına yüksəldi
18.11.2025 , 15:30
Azərbaycanın yunan-Roma güləşçisi Həsrət Cəfərov (67 kq) Səudiyyə Ərəbistanının paytaxtı Ər-Riyadda keçirilən İslam Həmrəyliyi Oyunlarının finalına vəsiqə qazanıb.
Korner.az xəbər verir ki, idmançı yarımfinalda misirli Mohamed Abdelrehimə 4:1 hesabı ilə qalib gəlib.
Nihat Məmmədli (60 kq) 1/4 finalda özbəkistanlı Alişer Qaniyevə uduzub – 0:3. Ülvü Qənizadə 1/8 finalda iranlı Amir Abdiyə yenilib – 0:9. Rəqibi finala vəsiqə qazandığı üçün Qənizadə təsəlliverici görüşdə iştirak edəcək.
İslam Abbasov (87 kq) isə 1/4 finalda iranlı Qulamreza Faroxisencaniyə məğlub olub – 0:3.
İslamiada noyabrın 21-də başa çatacaq.
