Madrid “Real”ının udlzu futbolçusu Kriştiano Ronaldo yenidən bir zamanlar parladığı “Mançester Yunayted”ə qayıda bilər.
Korner.az-ın məlumatına görə, “qırmızı şeytanlar”ın fanatları Ronaldonu geri qaytarmaq üçün “Bring Ronaldo home” adlı kampaniyaya start veriblər.
Portuqaliyalı ulduzu transfer etmək istəyən klub 100 milyon sterlinq ödəməlidir. Çünki bu, futbolçunun müqaviləsində əsas maddədir. Həmin səbəbə görə ingilis azarkeşlər xüsusi www.BringRonaldohome.org internet səhifəsi hazırlayıblar.
Məhz bu səbəbdən başlanılan kampaniyada azarkeşlərin əsasə məqsədi, 10 milyon “Mançester Yunayted” fanatının hər birindən 10 funt-sterlinq yığmaqdır. Əgər bu sayda insan nəzərdə tutlan məbləği ödəsə, onda 100 milyon funt sterlinq yığılmış olacaq və Ronaldonun müqaviləsində olan həmin maddə asanlıqla aradan qalxacaq.
Kampaniyada 3 min 750 azarkeş iştirak edib və lazım olan 10 sterlinqi ödəyiblər.
