Futbol

“Həmin azarkeşlərə haram olsun” – Samir Abasov

13.02.2017 , 15:54

Azərbaycan
Premyer Liqasının 18-ci turunda səfərdə “Neftçi”yə uduzan (0:1) “Sumqayıt”ın
baş məşqçisi Samir Abasov oyunsonrası mətbuat konfransında jurnalistlərin
suallarını cavablandırıb.


Korner.az-ın
məlumatına görə, Abasov öncə oyunla bağlı fikirlərini bildirib:


– 7 məğlubiyyətsiz
oyundan sonra məğlub olduq. Qismət belə imiş. Bundan da çətin oyunumuz AZAL-la
evdə baş tutacaq. Bu gün danışılacaq bir şey yoxdu. Hava şəraiti oynamağa imkan
vermədi. “Neftçi” qələbəyə layiq idi. Rəqibi təbrik edirəm. Çox gücləniblər.
Bizim “Neftçi” eyni “Neftçi”di.



Fasilədən sonra nə baş verdi? İlk hissədə komandanız daha inamlı təsir
bağışlayırdı…


Hava şəraiti oynamağa imkan vermirdi. Yoxsa ciddi dəyişiklik baş vermədi. Sadəcə,
“Neftçi”nin təzyiqinə tab gətirmədik.

 


Komandanın gələcək planları necədi? Bir də ki, oyunun son dəqiqələrində
azarkeşlərlə nə baş vermişdi?

– Heç
bir planımız yoxdu. Azərbaycanda gələcək üçün plan qurmaq bilmirəm nə dərəcədə
uyğundu. 2-ci suala gəlincə isə bilmirəm haranın azarkeşləri idi. Haramları
olsun. Bu cür komanda yaratmışıq, ancaq belə ifadələr işlədirlər. Mən onları
heç “Sumqayıt” azarkeşi də saymıram. Təhqir olmadı, sadəcə, elə sözlər dedilər
ki, onu heç cür qəbul eləmək olmaz.


– Təxribat
olmaq ehtimalı var?

– Təxribat
olduğunu düşünmürəm. Bəlkə də, bizdə oynayan oyunçulardı. Belədisə, böyük səhv
edirlər.

 

Amil Yunanovu oyuna daha gec
qoşmadız?

– Sizcə, mən heç-heçə olan zaman
Raili çıxarıb Amili oyuna salaram? Artıq hər şey əldən gedəndən sonra Amili
oyuna saldıq. Ehtiram Şahveriyevə də ötürmə etdi, amma vura bilmədi.

Son yazılar

Yuxarı