Topaz Premyer Liqasının 29-cu turunun oyunları keçirilir.
Korner.az-ın məlumatına görə, “Rəvan” – “Sumqayıt” (1:1) qarşılaşmasından sonra “Rəvan”ın baş məşqçisi Güvənc Kurtar açıqlama verib.
Kurtar açıqlamada bunları deyib: “Oyuna yaxşı başladıq. Daha sonra rəqib yaxşı oynadı və qol vurdu. “Sumqayıt” ilk hissədə çox yaxşı oynadı. İkinci hissədə tam əksi oldu. İkinci hissədə qalibiyyət də ala bilərdik. İkinci hissədə oynanılan oyundan məmnunam. Cəzalı futbolçularımız var və bu bizə ziyan verir. Tempi yüksək olan oyunlara öyrəşməliyik. Futbolçular həftədə ən azı 2 oyun keçirəcək səviyyədə olmalıdır. Belə olarsa Azərbaycan futbolu da inkişaf edər. Mənə görə liqada komandaların sayı çox olmalıdır. Federasiya başqanının son açıqlamasına hörmət edirəm. Bir bildiyi vardır yəqin ki. Rotasiyadan yaxşı istifadə etməliyik. 25 futbolçumuzun hamsı hazır olmalıdır. Gənc futbolçulara şans verməsək, oynatmasaq ölkə futbolunu inkişaf etdirmək olmaz”.
