“Oyunu hakimə görə uduzduq. Mən bugünkü hakimliyə “100” üzərindən “10” da vermərəm”.
Korner.az-ın məlumatına görə, bu sözləri “Neftçi”yə 1:0 hesabı ilə məğlub olan “Rəvan”ın baş məşqçisi Güvənc Kurtar deyib.
Kurtar açıqlamada bunları da deyib: “3 gün əvvəl 120 dəqiqə kubok matçı oynadıq. Ancaq yorğun deyilik. Yaxşı oynadıq. Hələ 10 nəfərlə daha da yaxşı oynadıq. Heç bir bəhanə gətirmək lazım deyil. Kifayət qədər epizodlarımız oldu. Hakimlər artıq neçənci dəfədir ki, qırmızı vərəqə verir bizə. Yavaş-yavaş buna da öyrəşmişik. Hakimlər bundan sonra əziyyət çəkməsin. Bundan sonra 10 nəfərlə çıxacam oyuna. Hakimlər bizə qarşı haqsız qərarlar verirlər. Oyunçularımı təbrik edirəm. Ümid edirəm ki, kubokda daha təcrübəli hakim idarə edər oyunu”.
