“İntizam Komitəsinin bu hərəktlə bağllı qərar verməməsi ikili yanaşmadan xəbər verir. Bizim nə “Xəzər Lənkəran”, nə də Orxan Sadıqlıyla nə işimiz var? Onlarla heç bir problemimiz yoxdu. Söhbət burda İK-nın ikili standartla məsələyə yanaşmasından gedir. Eyni hərəkətə görə Mahir şükürov 3 oyunluq cəzalanır. Digər bir futbolçu isə eyni hərəkətə görə heç bir cəza almır. Bu artıq ikili standartın olmasından açıq-aşkar xəbər verir. Bu bir daha sübut edir ki, “Neftçi”ni sıxırlar. Biz bunu bu il dəfələrlər demişik ki, bizə qarşı bir növ təqiblər var. Çempion olmağımızı istəmirlər. İK-nın qərarı isə bunun ən böyük təsdiqi oldu. Ümid edirik ki, nə Orxan, nə də Mahir bu hərəkətləri gələcəkdə təkrarlamayacaq. Gələcəkdə bu tip halların baş verməsini arzulamırıq təbii ki, ancaq olacağı təqdir də ümid edirik ki, İK belə məsələlərə ikili yanaşmayacaq”.
Korner.az-a açıqlamasında bu fikirləri “Neftçi”nin mətbuat xidmətinin rəhbəri Gündüz Abbaszadə deyib.
Qeyd edək ki, son turda baş tutmuş “Neftçi” – “Xəzər Lənkəran” matçında qonaqların qapıçısı Orxan Sadıqlı “orta barmaq” göstərərək tərbiyəsiz jestə yol vermişdi, lakin İK onu cəzasız qoyub. Analoji hərəkətə görə isə Mahir Şükürova 3 oyunluq cəza verilmişdi.
