"Komandamızın hazırlığını normal qiymətləndirirəm. Turnirin gedişatından çox şey aslıdı. Ən azı "onluğ"a daxil olsaq, yaxşı olar".
Bu sözləri korner.az-a açıqlamasında qadın şahmat komandamızın üzvü Gülnar Məmmədova deyib.
Məmmədova Azərbaycan komandasının yaxşı nəticə qazanacağına inanır:
"Əsas oyunun gedişatıdı. Qismət, bəlkə elə "ilk üçlük"də olduq. Təbii ki, güclü rəqiblər çoxdu. Bildiyimiz kimi, olimpiadada hər ölkənin ən güclüləri iştirak edir. Zəif rəqib yoxdu. Zəif rəqib olmadığı kimi məğlubedilməz rəqib də yoxdu. Biz bir komanda olduğumuza gorə yaxşı təsir bağışlayırıq. Bir-birimizin səhvlərini görüb, təhlil edib nəticə çıxartmağa çalışırıq.
Hazırlığa gəlincə, biz hər üç təlim-məşq toplanışında həm də fiziki hazırlıqla məşğul oluruq. Əsasən qaçmaq, üzgüçülük, stolustu tennis və s."
Layihə AFFA yanında Media Komitəsi tərəfindən maliyyələşdirlir
