Güləşçimiz ermənini məğlub edib finala keçdi
11.04.2025 , 20:10
Azərbaycanın yunan-Roma güləşçisi Eldəniz Əzizli (55 kq) Slovakiyada keçirilən Avropa çempionatında finala yüksəlib.
Korner.az xəbər verir ki, idmançımız yarımfinalda Ermənistan təmsilçisi Manvel Xaçataryana 5:1 hesabı ilə qalib gəlib.
Murad Məmmədov (63 kq) eyni raundda türkiyəli Kerem Kamala 4:5 hesabı ilə uduzub. İslam Abbasov (87 kq) isə bolqarıstanlı Semen Novikova 3:5 hesabı ilə məğlub olub.
Sənan Süleymanov (77 kq) 1/8 finalda türkiyəli Ahmet Yılmaza, Beka Kandelaki (130 kq) 1/4 finalda türkiyəli Hamza Bakıra uduzub.
Qeyd edək ki, daha öncə Azərbaycan sözügedən yarışda 6 medal qazanıb. Sərbəst güləşçilərimiz 1 qızıl, 1 gümüş və 4 bürünc mükafat əldə ediblər. Millimiz bu nəticə ilə komanda hesabında Avropa çempionu olub.
