Güləşçimiz yarımfinalda məğlub oldu
07.08.2024 , 21:17
Azərbaycanın Yunan-Roma güləşçisi Həsrət Cəfərov (67 kq) Paris-2024 Yay Olimpiya Oyunlarında mübarizəyə başlayıb.
Korner.az xəbər verir ki, o, 1/8 finaldan yarışa qoşulub. H.Cəfərov (21 yaş) Mohamed Elsayedlə (Misir) üz-üzə gəlib.
Cəfərov 9:0 hesablı (tam üstünlüklə) inamlı qələbə qazanaraq 1/4 finala vəsiqə qazanıb.
Bu mərhələ onun rəqibi Valentin Petiç (Moldova) olub. H.Cəfərov 3:1 hesabı ilə qalib gələrək yarımfinala vəsiqə qazanıb.
67 kq çəki dərəcəsində yarışan idmançı yarımfinalda Ukraynanı təmsil edən Azərbaycan əsilli güləşçi Pərviz Nəsibovla üz-üzə gəlib.
Qarşılaşma Həsrətin məğlubiyyəti ilə başa çatıb.
İdmançımız bürünc medal uğrunda görüşdə iştirak edəcək.
Olimpiada avqustun 11-də başa çatacaq.
