Avropa çempionatının Ukrayna-İsveç matçına təyinat almış türkiyəli baş hakim Cüneyt Çakır idarəçiliyinə görə yüksək balla qiymətləndirilib. Beynəlxalq hakimlər saytı olan “worldreferee.com” oyunla bağlı raportda Çakırın Avro-2012 çərçivəsində keçirilmiş oyunlardakı idarəçiliyin ən yaxşısını etdiyini yazıb. Raportda bildirilir ki, “Futbol dünyasında çox sayda yaxşı hakim var. Amma Çakır bir çoxundan daha yaxşıdı və bunu ancaq diqqətlə baxdıqda görmək olar. Cüssəli deyil, amma sözünə əməl etdirir. Qışqırmır, oyunçuya mesajını bir barmaq hərəkəti və ya başıyla verir. Bədəncə ondan iki dəfə cüssəli olan İbrahimoviç də onun sözünü dinlədi”.
Sayt Çakırın oyuna nəzarətinə, fitini yerli-yerində çalmasına və idarəçilik üslubuna 8, tərəf tutmamasına 9 bal verib.
