“Sumqayıt”ın baş məşqçisi Samir Abasov Azərbaycan kubokunun 1/4 final mərhələsində “Qarabağ”a 0:2 hesabı ilə uduzduqları oyundan sonra jurnalistlərin suallarını cavablandırıb.
– Oyunun bu cür keçəcəyini bilirdik. “Qarabağ”dan belə oyun gözləyirdik. Ən az heç-heçə etmək istəyirdik. Təəssüf ki, iki qol buraxdıq. Cavab oyununda şanslarımızdan maksimum istifadə edərək mərhələ keçməyə çalışacağıq.
– Komanda əvvəlkinə nisbətən baxımlı oyun sərgiləmir…
– Bu gün sırf nəticəyə oynayırdıq. Qış fasiləsindən sonra doğrudan da yaxşı oyun sərgiləmirik. Dəyişən heç nə yoxdu. Qış fasiləsində yeni transferlər etdik. Ancaq görünən odu ki, komanda güclənməyib, əksinə, zəifləyib. Bunun səbəbini mən də bilmirəm.
– Oyundan sonra hakimlərə etiraz edirdiz…
– Hakimlik barədə danışmaq istəmirəm. Etiraza səbəb, bizim lehimizə penalti verilməməsi idi.
Mənbə: Komanda.az
