“Golden Boy”un qalibi açıqlandı
02.12.2025 , 11:38
2025-ci ilin “Golden Boy” mükafatının qalibi bəlli olub.
Korner.az xəbər verir ki, bu nüfuzlu mükafata PSJ-nin gənc hücumçusu Dezire Due layiq görülüb.
Təltifetmə mərasimi Turin şəhərində baş tutub və 20 yaşlı futbolçu mükafatını burada alıb.
Due ötən mövsüm PSJ ilə həm Liqa 1-in, həm Fransa kubokunun, həm də Çempionlar Liqasının qalibi olub. O, 2024/25 mövsümündə bütün yarışlarda 61 matça çıxaraq 16 qola və 16 məhsuldar ötürməyə imza atıb.
Qeyd edək ki, “Golden Boy” hər il dünyanın ən yaxşı gənc futbolçusuna təqdim olunan mükafatdır.
