“Gent” – “Qarabağ” oyununun hakimləri
21.02.2023 , 13:53
Konfrans Liqasının pley-off mərhələsində keçiriləcək “Gent” – “Qarabağ” cavab oyununun hakimləri açıqlanıb.
Korner.az xəbər verir ki, Belçikada keçiriləcək qarşılaşmanı şotlandiyalı hakimlər briqadası təmsil edəcək.
Oyunun baş hakimi Uilyam Kollum olacaq. Ona yan xətlərdə Frensis Konnor və David Rum köməklik göstərəcək. Dördüncü hakim funksiyasını Nikolas Uolş yerinə yetirəcək.
İngiltərəli Devid Kut VAR hakimi, Li Betts isə onun köməkçisi olacaq.
Komandalar arasında Bakıda baş tutan ilk oyunda “Qarabağ” 1:0 üstün olub. Cavab matçı fevralın 23-də Gentdə baş tutacaq.
