Myvideo TV-nin efirində “Futsal Time” verilişinin növbəti buraxılışı efirə gedib.
Aparıcı Araz Əhmədovun qonaqları Yüksək Liqada mübarizə aparan “Marafon” komandasının prezidenti Samir Məmmədov, “Yasamal”ın baş məşqçisi Rüfət Hüseynov və “Araz”ın və millimizin üzvü Xətai Bağırov olub. Canlı yayımda ölkə çempionatının son oyunları, hakim səhvləri müzakirə edilib. Verilişdə həmçinin, futzal üzrə Birinci Liqanın ADBTİA – “Baku Fans” matçında hakim Yusif Nurullayevi vuran Aqşin Ömərovun hərəkətinə də münasibət bildirilib.
