"İlk oyunla müqayisədə daha yaxşı təsir bağışladıq. Baxmayaraq ki, rəqib komandanın futbolçuları yaşca bizim heyət üzvlərimizdən daha böyük idilər. Onlarla başa-baş mübarizə aparmağı bacardıq. Onəmli olan komandamızın verdiyimiz tapşırıqlara uyğun hərəkət etməsi idi".
Korner.az-ın məlumatına görə, bu sözləri "Qəbələ"nin əvəzedicilərdən ibarət komandasının baş məşqçisi Luis Araqon Küveytin U-21 yığması (1:0) ilə matçdan sonra deyib. İspaniyalı mütəxəssis matçın ikinci hissəsində meydançaya çıxan gənc futbolçuların daha istəklə oynadıqları, bunun da sevindirici hal olduğunu söyləyib:
"U-17 komandasının heyətindən gələn gənc futbolçular çox yaxşı çıxış etdilər. Həmin futbolçulardan Yusif Nəbiyev, Qismət Alıyev və Roman Hüseynovun böyük həvəslə çıxış etdiyini söyləyə bilərəm. Bu sevindirici haldır. Gənc futbolçuların işini yüksək qiymətləndirirəm. Amma ilk hissədə futbolçularım sanki bir-biri ilə istənilən əlaqəni qura bilmirdilər, meydançada danışmırdılar. Ümumilikdə komandadan razı qaldım".
