San-Marinoda basketbol üzrə gənclər arasında Avropa çempionatının C divizionunda mübarizəyə yekun vurulub.
Korner.az-ın məluatına görə, Turnirdə iştirak edən Azərbaycan millisi tarixi uğur qazanıb. Belə ki, finalda Andorra komandasıyla qarşılaşan 18 yaşadək basketbolçularımız qələbə qazanıblar.
Həlledici görüşün əvvəlindən təşəbbüsü ələ alan millimiz 74:57 hesablı qələbəyə sevinib. Komandamızın heyətində 25 xal toplayan Ömər Əhmədzadə matçın ən məhsuldar oyunçusu olub. Qeyd edək ki, millimiz qrupda Andorra, Cəbəllütariq və Monako yığmalarıyla mübarizə aparıb. Cəbəllütariq və Monakonu məğlub edən Tahir Baxşıyevin komandası ilk turda məğlub olduqları andorralılardan finalda, eyni zamanda, revanş alıblar.
