Gənc hücumçu Premyer Liqa klubunun hədəfində
19.02.2025 , 23:00
İngiltərənin “Aston Villa” klubu “Portu”nun futbolçusu ilə maraqlanır.
Korner.az xəbər verir ki, söhbət Portuqaliya təmsilçisinin 20 yaşlı hücumçu Samu Omorodiondan gedir.
Premyer Liqa klubu gənc oyunçunu növbəti mövsüm transfer etmək istəyir.
Samunun komandası ilə hazırkı müqaviləsinin müddəti 2029-cu ilə qədərdir.
Bu mövsüm “Portu”nun heyətində 29 oyuna çıxan futbolçu, 18 qol vurub və 3 məhsuldar ötürmə ilə yadda qalıb.
