Rusiyanın Anapa şəhərində Nikolay Pavlyukovun xatirəsinə həsr olunan gənclər arasında boks turniri davam edir.
Korner.az-ın məlumatına görəi, komandamız bu yarışda ümidləri doğrutmayıb.
49 kq çəki dərəcəsində mübarizə aparan Samir Hüseynli Qazaxıstan nümayəndəsi Saken Biboşinova uduzaraq yarımfinala vəsiqə qazana bilməyib.
Şükran Mehdiyev də (91 kq) ¼ finalda yarışla vidalaşıb. Boksçumuz rusiyalı Dmitri Marutkinə məğlub olub – 0:3.
Hacı Dilbazovun (75 kq) yolunu da Rusiya nümayəndəsi kəsib. Həmyerlimiz Tulpar Atayevlə dueldən məğlub ayrılıb – 0:3.
Superağır çəki dərəcəsində çıxış edən Nihat Orucov isə Gürcüstan boksçusu Georgi Zurebeani ilə qarşılaşmada zədələnərək görüşü sonadək davam etdirə bilməyib.
