"Everton"un hücumçusu Ueyn Runi karyerasını bitirdikdən sonra hansı işlə məşğul olacağını açıqlayıb. Bu barədə futbolçunun özü məlumat verib.
O bildirib ki, gələcəkdə TV-də analitik işləmək və futbolda qalıb baş məşqçi kimi çalışmaq imkanları var. Ancaq təcrübəli futbolçu baş məşqçiliyə üstünlük verib. Onun sözlərinə görə, Runi TV-də çıxış etməyi sevir ancaq, futbolla tam bağlı olduğuna görə fikirləri baş məşqçiliyə yönələcək:
"Gələcəkdə özümü məşqçi kimi sınamaq istəyərdim. Bütün həyatım boyu futbolla tam bağlı olmuşam. TV studialarında olmaqdan həzz alıram və bunu tez-tez etmək istəyərəm, ancaq əsas hədəfim məşqçilik işidir.
Runi cari mövsümdə "Everton"un heyətində 21 oyuna çıxıb və 10 qol vurub.
