Noyabrın 20-də futzal üzrə Azərbaycan çempionatının Yüksək Liqasında 8-ci turun oyunları keçiriləcək.
Qırmızı vərəqə üzündən bu turda komandasına kömək edə bilməyəcək 3 oyunçu var. “Araz”dan İsa Atayev “Neftçi” İK ilə qarşılaşmada birbaşa qırmızı vərəqə aldığına görə, İntizam Komitəsi tərəfindən 2 oyunluq cəzalandırılıb. Bu üzdən o, EKOL-la oyunda da komandasına kömək edə bilməyəcək.
“Marafon Futsal”dan Rüstəm Bağırzadə və “Neftçi” İK-dan Sadiq Cavid də son dueldə qırmızı vərəqə ilə cəzalandırılıblar. Düzdü, onlarla bağlı İK qərarını cərşənbə aşxamı açıqlayacaq. Amma istənilən halda qırmızı vərəqə aldıqlarına görə, 8-ci turun matçında meydana çıxa bilməyəcəklər.
Arxada qalan 7 tur ərzində cəmi bir futzalçı sarı vərəqə limitini doldurub. Belə ki, “Neftçi”nin üzvü Tural Qurbanov “Marafon Futsal”la dueldə mövsümdə dördüncü “sarı”nı aldı və cəzalı duruma düşdü. O da 8-ci tur çərçivəsində “Yasamal” FK ilə matçı tribunadan izləyəcək. Passivində 2 və artıq sarı vərəqəsi olan oyunçuların siyahısını diqqətinizə çatdırırıq:
Sarı vərəqələr
Tural Qurbanov (“Neftçi” İK) – 4
Mortoza Cahandost (“Yasamal”) – 3
Reza Toloui (“Yasamal”) – 3
Seymur Məmmədov (“Marafon Futsal”) – 3
Tural İsmayılıov (“Neftçi” İK) – 2
Sadiq Cavid (“Neftçi” İK) – 2
Mehram Eydeli (“Neftçi” İK) -2
Əjdər Əjdərov (“Neftçi” İK) – 2
Vüsal Səfərov (“Yasamal”) – 2
Omid Oraz (“Yasamal”) – 2
Hamed Khodai (“Marafon Futsal”) – 2
Elşən İbrahimxəlilov (“FK.İD.Futsal”) – 2
Faiq Əliyev (“FK.İD.Futsal”) – 2
Nihad İsmayılov (“FK.İD.Futsal”) – 2
Fərid Ələkbərov (EKOL) – 2
Rizvan Fərzəliyev (“Araz”) – 2
Omid Talebi (“Marafon Futsal”) – 2
Teles Thaqo (“Araz”) – 2
