“Futbolumuz “aşsüzən” dövrünə yenidən qayıtdı”
28.03.2023 , 17:38
“Futbolumuz “aşsüzən” dövrünə yenidən qayıtdı. Yalandan Canni De Byazinin boynuna yıxmayın. Milli komandada oynamağın məsuliyyətini futbolçu anlamırsa və fədakarlıq etmirsə, hansı məşqçini gətirsəniz də, belə davam edəcək”.
Korner.az xəbər verir ki, bu sözləri Milli Məclisin deputatı Fazil Mustafa deyib. O bildirib ki, Azərbaycanda böyük mənada futbol yoxdursa, milliyə oyunçu götürmə alternativləri hədsiz məhdud olacaq:
“Qurban Qurbanovu intriqalara qurban verərək uzaqlaşmağa məcbur etdilər ki, millimiz həmişə bu cür sınıq-salxaq durumda qalsın. Komandanın liderinin olmaması ilə yanaşı, həm də xarakteri yoxdur. Bərabər səviyyədə 70-ci dəqiqəyədək davam edən oyunda son 30 dəqiqədə tam bir acizlik mənzərəsi ortaya qoyuldu. Udub-uduzmaq da önəmli deyil, bütün hallarda əzmkarlık göstərmək lazımdı. Əvəzində tam doqquzluğa vurdular. Bəs nə etməli? Gürcüstan və Ermənistan millilərinin oyunlarını diqqətlə izləyib, ən azı “aşsüzən” olmamanın yolunu tapmaq yaxşı olardı”.
Qeyd edək k ki, Azərbaycan millisi ötən gün İsveç yığmasına 0:5 hesabı ilə məğlub oldu.
