“Neftçi”nin yeni təyin olunmuş baş məşqçisi Tərlan Əhmədov media önünə çıxıb. Topaz Premyer Liqasının V turundan öncə keçirilən mətbuat konfransında təcrübəli mütəxəssis jurnalistlərin suallarını cavablandırıb:
– Elxan Abdullayev nələr qoyub gedib ki, onları təmizləmək lazımdı?
– Elə deməzdim. Elxan müəllimə təşəkkür edirəm hər şeyi də onun üstünə yıxmaq olmaz. Komandada çatışmazlıq çpxdu. Futbolçular özünə inanmır. Artıq 5 gündü burdayam hər məşqdə onlara inamı aşılayıram. Futbolçular komanda yoldaşının mövqeyini qəbul edə bilmir. Birdən birə mən hər şeyi düzəldə bilmərəm, ancaq əlimdən gələni edəcəm. Zamana ehtiyacımız var. Başqa səbəblərə gəldikd hər məşqçinin ayrıca baxışı var, tərzi var. Fiziki durum bərbad olmasa da, komanda tam hazır deyil. Sabahki oyun vacibdi. Elxan müəllimlə də oyundan sonra zəng edəcəm. Həm halallığı alacam. Zəng vurmuşdum əvvəlcədən ancaq zəng çatmırdı. Ola bilər ki, oyundan sonra onunla görüşüm oldu. Yaxın vaxtlarda yəqin ki fiziki hazırlıq üzrə məşqçi dəyişikliyi olacaq.
– AZAL-da əziyyət çəkirdiniz…
– Yerlə göy arası qədər fərq var. Çalışdığımız qədər o komandanı da ayaqda saxlamaq istədik. İlk il çətinlik az idi, ancaq sonradan bizdə çətinlik oldu. Dünya futbolunda komandaların dağılması hadisəsi var. “Parma” kimi komandanın başına gəlmiş hadisədi. Əslindı büdcə mənim üçün önəmli deyil. Mən komandanı qələbəyə kökləyirəm. Müqavilə bağladımsa, futbolçular razılıq edibsə məsuliyyət daşıyıram.
– Mətbuatda U21-ə keçəcəyiniz haqda yazırdılar…
– O xəbəri mən də mediadan oxumuşam. AFFA il bu barədə danışıqlarımız olmayıb.
– “Neftçi”yə hansı futbolçular qış fasiləsində gələ bilər?
– Bu barədə düşünmürəm. Hal-hazırda fikrim komandada olan problemləri həll edib xallar toplamaqdı. Qış transferi haqda sonra düşünəcəm. Rusıan Əmircanov da, Vaqif Cavadov məsələsi də mənə deyilib, amma bu haqda daha sonra düşünəcəm. Yerli futbolçuları akademiyadan dəvət edəcəm, artıq ora da nəzarət edirəm.
– Rəşad Sadiqovun gəlişindən sonra Emin Mahmudovun transfer mövzusu bağlandımı?
– Xeyir. Hər birimiz istəyərdik ki, o, futbolsuz qalmasın. Mən də istəyərdim ki, komandada çıxış etsin. Çünki bizə lazım oyunçudu. O məsələ klub səviyyəsindədi. Rəhbərlik məsləhət bilsə, transfer edəcəklər.
– Rəhbərlik sizin qarşınızda hansı məqsədləri qoyub?
– Qışa qədər bacardığım qədər çox xal toplamalıyam. Bəzi futbolçular transfer edəcəyik. Əvvəlki “Neftçi” əzəmətinə qayıtmaq istəyirik, hətta o səviyyədən yüksək oyunçular da dəvət etmək istəyirik. Rəhbərlik bütün səlahiyyətləri mənə verib, rahat işləmək üçün şərait yaradılıb. Hazırda gündəmdə fiziki hazırlıq məşqçisidi. Qalan digər problemlərin məsuliyyəti mənim üzərimdədi.
– Böyükağa müəllimdən “uğur reseptini” almısınızmı?
– Əvvəla ona şəfalar diləyirəm. Onunla da heç bir danışığım olmayıb.
– Əsas heyətdə dəyişikliklər olacaqmı?
– Ola bilsin ki, dəyişiklər olsun. Rəşad start heyətdə olacaq. Rəşad ay yarımdı futboldan uzaqdı. Təsnifat mərhələsində çıxış edib və ondan sonra fərdi məqşlər edib, hələ də formadadı. Sadiqovun təcrübəsi bizə çox lazım olacaq, komandanı toparlamaq üçün mənə təcrübəli oyunçu lazımdı.
– “Zirə” ilə oyunda hansı nəticə sizi qəne edəcək?
– Hər bir komanda qalib olmaq istəyər. Biz də 3 xal üçün çalışacağıq. Rəqib oturuşmuş komandadı. Çətin olacaq, çünki onlar öz oyunun tapıb. Çempionatda artıq bütün komandalar öz oyunun tapıb.
– “Neftçi” “Zirə”ni çempionatlarda məğlub etməyib. Bu tilsim qırılacaqmı?
– Onu sabah görəcəyik. Birdən-birə qlobal dəyişiklik edə bilmərəm. Komandada problemlər çoxdu. Sabahki oyunda daha istəkli olmağa çalışacağıq.
– Futbolçulara cəza sistemi hazırlanıbmı?
– Bəli bu kodeks artıq hazırdı. Bütün məsələlərdə futbolçuların cəzası olacaq. Olar əgər böyük məbləğ alırsa, məsuliyyətsizlik edirsə, demək cəzalanacaq. Bütün məşqçilərə, inzibati işçilərə də bu tətbiq ediləcək.
