“Futbolçular ağlayırdı” – Qurban Qurbanov

Korner.az xəbər verir ki, təcrübəli mütəxəssis bunları deyib:

“Futbolçulardan razıyam. İlk oyundan pley-off səviyyəsində komandalarla oynadıq. Bu gün alınmadını desək, düz çıxmaz. İlk hissədə üstünlük bizdə oldu. İkinci yarıda xırda səhvlərə yol verdik. Rəqib bunlardan itifadə etdi. Futbolçularımı təbrik edir, onları bağrıma basıram. Hamısından razıyam. Rəqibi də təbrik edir, uğurlar aruzlayıram”.

Qurbanov matçdan sonra paltardəyişmə otağında futbolçulara dəstək olduğunu söyləyib:

“Çox danışdım. Futbolçular paltardəyişmə otağında ağlayırdı. Hamısı həddən artıq üzülüb. Dəstək olmağa çalışdım. Nə qədər danışsam da, bir müddət unuda bilməyəcəklər. Onlarla dostam, onlarla fəxr edirəm. Tezliklə bunu yaddan çıxarıb, qarşıdakı oyunlara hazırlaşacağıq”.

Baş məşqçi Avropa Liqasının qrup mərhələsində çıxış etmələri barədə fikirlərini bildirib:

“Çempionlar Liqasından ayırmıram. Orda elə komandalar var ki, ÇL-də oynamağı haqq edir. Püşkatmanı gözləyəcəyik. Ondan sonra qrupu dəyərləndirəcəyik. Komanda və klub olaraq böyümək istəyirik. Futbolçuların təcrübəsinin və ustalıq səviyyəsinin yaxşılaşmasını istəyirik”.

Qurban Qurbamov azarkeşlərə təşəkkür edib:

“Azarkeşlərə təşəkkür edirəm. Onların inamını hiss edirik. Azərbaycanımız, azakrşlərimiz üçün oynayırıq. Daha çox çalışıb daha böyük uğurlar əldə etmək istəyirik”.