"Qarabağ"ın futbolçusu Namiq Yusifov AVRO-2012 ilə bağlı Korner.az-a müsahibə verib.
– AVRO-2012-də səni hansı komandanın çıxışı təəccübləndirdi?
Xorvatiya məni yaxşı mənada təəccübləndirdi. Çox yaxşı oyun nümayiş etdirdilər. Rusların 1/4 finala yüksəlməməsinə də təəssüfləndim. Hollandiya yığması isə məni pis mənada təəccübləndirdi. Onlardan belə oyun gözləmirdim.
-Hollandların uğursuz çıxışını nədə görürsən?
Ola bilsin, ilk oyunda aldıqları məğlubiyyət onları ruhdan saldı. Daha sonra Almaniya kimi güclü kollektivlə üz-üzə gəldilər. Portuqaliya ilə oyunda isə artıq hər şeyin sona yaxınlaşdığını hiss edirdilər.
-Bu gün keçiriləcək Ukrayna-İngiltərə oyununa hansı proqnozu verərdin?
Proqnoz vermək çətindi. Əlbəttə, istərdim Ukrayna qələbə qazansın.
-Avro-2012-də favorit komandan hansıdır?
İtaliya və İspaniya milliləri.
-Bəs bunlardan hansının çempionluq şansı daha çoxdu?
İspaniyanın. Son dünya və Avropa çempionu olmaları onlara əlavə stimul verir.
-Azərbaycanlı futbolçu kimi millimizin AÇ-də çıxış etməməsi səndə hansı hissləri oyadır?
Əlbəttə, ölkəmiz üçün çox pisdir. Futbolçu kimi yox, amma vətənpərvər insan kimi bu vəziyyətə çox heyfsilənirəm. Bizdə az da olsa, inkişaf var. Bəlkə gələcəkdə nəyəsə ümid etmək olar.
Hidayət QURBANOV
