“Fulhem” Marko Silvayla yeni müqavilə bağlamaq istəyir
18.11.2025 , 17:43
“Fulhem” klubu baş məşqçi Marko Silvanın komandadakı fəaliyyətini davam etdirməsini istəyir.
Korner.az xəbər verir ki, klub rəhbərliyi beynəlxalq fasilə zamanı aparılan görüşlərdən sonra portuqaliyalı mütəxəssisə 3 illik yeni müqavilə təklif edib. Hazırda Silvanın müqaviləsi gələn yay başa çatır.
Son müddətdə Silva ilə bir sıra klublar, o cümlədən Səudiyyə Ərəbistanı təmsilçiləri maraqlanır. Portuqaliyalı məşqçi artıq 4 ildir “Fulhem”ə rəhbərlik edir.
Komandanın zəif çıxışına rəğmən, Silvanın postunda qalması davam edir. “Fulhem” cari mövsümdə 11 turun ardından eyni xalla liqa cədvəlinin 15-ci yerində qərarlaşıb.
