Almaniya millisinin və
“Bavariya” klubunun qapıçısı Manuel Noyer “DÇ-2014″ün 1/4
finalında qarşılaşacaqları Fransa ilə oyunöncəsi fikirlərini bölüşüb.
Korner.az-ın məlumatına görə, klubun rəsmi
saytına danışan təcrübəli qolkiper Fransanın mundialın ən sabit komandası
olduğunu bildirib:
“Əlcəzairlə görüşdə əlavə 30
dəqiqə oynamalı olduq. Fransanın Nigeriyanı 90 dəqiqə ərzində 2:0 hesabı ilə
məğlub etdiyini düşünündə, narahat olmaya bilmirsən. Fransa dünya çempionatının
ən sabit komandasıdır. Bu görüşdə meydana çıxacaq 11 futbolçumuz oyuna tam
hazır olmalıdır”.
Qeyd edək ki, Fransa – Almaniya
oyunu sabah, Bakı vaxtı ilə saat 21:00-da başlayacaq.