Fransa millisinin heyətində dəyişiklik
13.11.2025 , 12:30
DÇ-2026-nın seçmə mərhələsində Ukrayna və Azərbaycanla qarşılaşacaq Fransa millisinin heyətində dəyişiklik baş verib.
Korner.az xəbər verir ki, “Real Madrid”in futbolçusu Eduardo Kamavinqa zədələndiyi üçün komandadan kənarlaşdırılıb.
Fransa yığmasının baş məşqçisi Didye Deşam onun əvəzinə “Yuventus”un yarımmüdafiəçisi Kefren Türamı heyətə cəlb edib.
Xatırladaq ki, Fransa bu gün Bakı vaxtı ilə saat 22:45-də Ukrayna ilə qarşılaşacaq. Azərbaycan – Fransa oyunu isə noyabrın 16-da Bakıda keçiriləcək.
