Azərbaycan milli komandasının sabiq baş məşqçisi Berti Foqts Seneqal yığmasının baş məşqçi vəzifəsinə namizədlər sırasına düşüb.
Korner.az-ın məlumatına görə, almaniyalı mütəxəssisin meneceri Folker Mayer Seneqal Futbol Federasiyasına müraciət edib.
B.Foqtsdan başqa bu addımı fransalı Valerian İsmael, eləcə də almaniyalı Mixael Önninq və Uve Resler də F.Mayerin köməyinə bel bağlayıb. Ümumilikdə isə 13 mütəxəssis istefaya göndərilmiş Alen Jiressi əvəzləməyə hazır olduqlarını bildirib.
Qeyd edək ki, Seneqal millisinin baş məşqçi postu Alen Jiressin ötən ay istefaya göndərilməsindən sonra boşalıb. O, Afrika Millətlər Kubokunda yığmanın 9-cu pillə ilə kifayətlənməsi səbəbindən qovulub.
Report
