AFFA İcraiyyə Komitəsinin qərarı ilə milli komandanın baş məşqçisi Berti Foqtsa 2 illik yeni müqavilə imzalandığı xəbər vermişdik.
Korner.az saytı olaraq bu barədə idman jurnalistlərinin fikirlərini öyrənməyə çalışdıq. Sualımız isə belə idi:
Növbəti iki ildə nə gözləyək millidən? Bertinin qarşısına ayın 3 həftəsini Bakıda keçirmək tələbi qoyulduğu deyilir. Foqts bu tələbə riayət edəcəkmi, sizcə? Və riayət etməsi nəyisə dəyişəcəkmi millidəki işində?
Natiq Muxtarlı (Komanda qəzeti – redaktor) – Berti Foqtsun Bakıda ayda 3 həftə olmasının heç bir əhəmiyyəti yoxdu. Ola bilsin ki, AFFA-nın baş katibi Rövnəq Abdullayevi inandırıb ki, Foqts 3 həftə Bakıda qalmaqla Azərbaycan futbolunda kərəni kürə edə biləcək. Əvvəlcədən deyim ki, Məmmədov yenə də Abdullayevi aldadıb. Azərbaycan futbolunu böhrandan Foqtsun Bakıda qaldığı günləri artırmaqla qurtarmaq olmaz. Bunun üçün Azərbaycan futbolunun spesifik xüsusiyyətlərini özündə ehtiva edən spratei plan lazımdı. O planı hazırlamaq, həyata keçirtmək isə AFFA rəhbərliyinin başının işi deyil. Azərbaycan futbolunun problemi Foqtsun göndərilməsində və saxlanılmasında deyil. Problemlər AFFA rəhbərliyindən qaynaqlanır. Nə qədər ki, Rövnəq Abdullayev və komandası var, Azərbaycan futboluna nicat yoxdu. Bu baxımdan, növbəti 2 ildə də futbolumuzda inkişaf baxımından ciddi nəticə gözləmirəm
Elçin Cəlilov (futbolprees.az saytı – baş redaktor) – Elә bilirәm ki, Foqtsla müqavilә artımı AFFA rәhbәrliyinin futbolun inkişafı barәdә planlarının uzaqgörәnliyini sübut elәyir. Әvvәllәr müqavilәdә onun Bakıda nә qәdәr qalıb-qalmayacağı müzakirә mövzusu deyildi, ancaq indi gördüyümüz kimi, diqtә edәn tәrәfә çevrilmişik. Bu da fikrimcә AzTV-nin apardığı uğurlu german-politikanın nәticәlәrindәndi. Foqts üçün ayın üç hәftәsini Azәrbaycanda keçirtmәk müstәsna fәaliyyәtimizin nәticәsidi, çox danışıb adilәşdirmәk istәmirәm. Qaldı ki bu mәsәlәnin faydasına, açığı bir az narahatam ki, hәr ay boşda qalan günlәri vәtәnindә keçirmәk birdәn çoxlu xәrcә salar AFFA-nı. Axı assosiasiyanın pulu olsaydı aşağı liqaların çempionatlarına sponsorluq elәyәn şirkәtlәrin verdiyi pulu birbaşa bu işә xәrclәyәrdi, liqalar yetim günündә keçirilir. Hәyәcanlanmağa elә tutarlı sәbәb yoxdu mәncә, çünki Foqtsla birlikdә uşaq futbolundan tutmuş ağsaqqal futboluna qәdәr inkişaf elәtdirәcәyik. Sadәcә bir balaca sәbr elәmәk lazım. İnşallah düzәlәr, nә qalıb ki Avropa çempionatına. Dualarımızı da әsirgәmәyәk.
Kənan Məstəliyev (rekord.az – baş redaktor) – Hər şey püşkden asılıdı. Qrupdakı rəqiblərimiz nisbətən zəif olsalar və tarixlərinin ən pis dövrləri məhz bu mərhələyə təsaduf etsə, nəyəsə ümid haqqda fikirləşmək olar. Millimiz xalları Foqtsun məsqçi işi yox, oyunçuların fərdi bacarıqları, yüksək məbləğli mükafatlar uğrunda döyuüşkənliyi və bəxt hesabına qazanır. Berti müəllimin ayən 3 həftəsini Azərbaycanda keçirməyinə gəlincə, buna inanmağim gəlmir. Bunu AFFA həqiqətən edə bilsə, yaxşi olar, Foqtsu tez-tez görər fikir və etirazlarımızı ona çatdırarıq. Onsuz da bu alman premyer-liqamızın oyunlarını mırta izləyir. Gelir, baxır, görür, ancaq sonda yenə köhnələri görürük yiğmada. Bu xoşagəlməz ənənə deyişşə, Bertidən nəisə gözləmək olar.
Ceyhun Əliyev (Het-trik news qəzeti – redaktor) – Xırda irəliləyiş olacağını düşünürəm. Əlbəttə, püşkdən də çox şey asılı olacaq. Bizim komandaya münasib olmayan rəqiblər sırasına sürətli futbol oynayan komandaları daxil edərdim. Bütün hallarda hansısa sıçrayışın baş verməyəcəyinə əminəm. Yüngülvari, kosmetik irəliləyiş ola bilər. Onun 3 həftə Azərbaycanda olacağına inanmıram. Bu, yalnız bir halda baş verə bilər. Əgər Qəbələdə, Qaxda, Lənkəranda, Qubada ona dincəlmək üçün şərait yaradılsa, belədə, qala bilər. Millidəki işinə hansı təsir göstərə bilər ki? Məşhur teleşərhçimiz Çingiz İsmayılov hələ Sovet vaxtlarında "Neftçi"nin 80-ci illərdə sayılıb-seçilən oyunçalarından birinin ünvanına (adını çəkmək yaşına görə ayıb olardı) "qınamıram, qabında olanı budu", demişdi. Bizim milliyə dəvət alan futbolçuların da "qablarında olan" bəllidir. Foqts guya gedib Gədəbəydən yığmaya oyunçu gətirəcək? Olanlarımız üzdədi. Bu səbəbdən də yuxarıda qeyd etdim ki, köklü dəyişiklik gözləmirəm. Ümumiyyətlə, millini kimin çalışdıracağı da mənə maraqlı deyildi. Çünki futbol olmayan ölkənin, yığmasının baş məşqçsinin kim olacağı, heç nəyi dəyişə bilməz.
Şiyavuş Əliyev (İdman Azərbaycan telekanalı – şərhçi)– Yaxşı olar inşallah
Əli Sahib (Fanat.az saytı – baş redaktor) – Qısa deyəcəm. Problem Foqts deyil. Onu bu millətə daha 2 il paz edənlərdə axtarmaq lazımdı səbəbi. Azərbaycan futbolundan əvvəl Şirxanın çaqqallarını rədd etmək lazımdi sonra da Bertini. Rədd olsunlar Foqtsları ilə birlikdə.
Rəşad Ergün (Komanda qəzeti) – Qardaş, Berti Foqts Azərbaycan millisində nəticələrə çox da təsir edən şəxs deyil. AFFA-nın xəzəl kimi səpdiyi pullardı bizə 9 xalı qazandıran. Millinin başında siz də dursaz, adi heç-heçəyə görə 60 min, 100 min manat mükafat vəd etsəz, futbolçular o pula görə nəsə etməyə çalışacaq. Foqtsun hansısa tələblərə riayət etməsinə gəlincə, bu haqda nəsə demək tezdi. Amma məncə, Foqts yenə yola verəcək hər şeyi.
