“Şənbə günü çempionatda yaranmış fasilə başa çatır. Bu tur rəqibimiz olan “Rəvan” klubunu səfərdə məğlub etmişdik. Həmin görüşdə rəqib əsasən müdafiədən oynamağa çalışırdı. Eşitdiyimə görə, “Rəvan”a yeni baş məşqçi təyin olunub. Bəlkə də onların ifasında fərqli oyunun şahidi olduq”.
Korner.az-ın məlumatına görə, bu sözləri “Neftçi”nin futbolçusu Flavinyo klubun saytına açıqlamasında deyib.
Braziliyalı yarımmüdafiəçi bildirib ki, “Rəvan”a da hörmətlə yanaşırlar: “Sonadək var qüvvəmizlə oynamalıyıq. Məqsədimiz doğma meydanda da qələbə qazanmaqdı. Liderlər qrupundakı mövqeyimizi möhkəmlətmək üçün bu oyundan mütləq 3 xalla ayrılmalıyıq”.
“Neftçi” – “Rəvan” oyunu sabah saat 16:00-da başlayacaq.
