Fisnik Asllani Bundesliqanın top-klublarının diqqətində
28.11.2025 , 21:00
“Hoffenhaym”ın hücumçusu Fisnik Asllani Bundesliqanın bir neçə aparıcı klubunun diqqət mərkəzindədir.
Korner.az xəbər verir ki, “Bavariya” və Dortmund “Borussiya”sı kosovolu forvardı transfer etməyi planlaşdırır. Bu barədə jurnalist Kristian Falk məlumat verib.
“Hoffenhaym”ın hücum xəttinin əsas üzvü olan 23 yaşlı oyunçunun müqaviləsində 30 milyon avroluq sərbəst qalma maddəsi mövcuddur. Asllaniyə həmçinin “Barselona” da maraq göstərir.
Qeyd edək ki, Fisnik Asllani cari mövsümdə “Hoffenhaym”la bütün turnirlərdə 13 oyunda çıxış edib, 6 qol vurub və 3 məhsuldar ötürmə edib.
