Finlandiya – Azərbaycan oyununun hakimləri açıqlandı
05.06.2022 , 10:29
21 yaşadək futbolçulardan ibarət komandalar arasında Avropa çempionatının seçmə mərhələsi çərçivəsində iyunun 7-də, saat 17:00-da, Helsinkidə “Helsinki Football Stadium”da keçiriləcək Finlandiya – Azərbaycan oyununun hakimləri açıqlanıb.
Korner.az xəbər verir ki, qarşılaşmanı Lüksemburqdan olan hakimlər briqadası idarə edəcək.
Matçın baş hakimi Jasmin Sabotiç olacaq. Ona yan xətt hakimləri David Mateus Santos və Dani Dias Balsa kömək edəcəklər. Dördüncü hakim funksiyasını Jeremi Müller yerinə yetirəcək.
