“Hər kəs əlindən gələni edir. Müəyyən dərəcədə nəticələrimiz də gözlənilməzdi. Qarşılaşdığımız komandalar – Hindistan, Polşa və s. güclü rəqiblərdi. Dünyada ilk 5 yerdə qərarlaşıblar”
Korner.az-ın məlumatına görə, bu sözləri şahmat üzrə qadınlardan ibarət milli komandamızın kapitanı Fİkrət Sideifzadə deyib.
Təcrübəli mütəxəssis Şahmat Olimpiadasının VII turundan sonra jurnalistlər üçün brifinq keçirib. Media üzvlərinin suallarını cavablandıran komandamızın kapitanı bunları deyib:
“Nəticələrimiz hələki əladı, sevindirici haldı. Qarşıda hələ 4 tur qalıb. Qızlara da deyirəm ki, gözəl nəticədi, amma son turlar daha önəmlidi. Qarşıda bizi üç nəhəng komanda – Ukrayna, Rusiya və Çin gözləyir. Biz də artıq öz sözümüzü demişik. “İlk onluq”da olan 5 komanda ilə oynamışıq və heç birinə məğlub olmamışıq. Bu amil bizə bir qədər inam verir”.
Fikrət Sideifzadə uğurun sirrini açıqlayıb:
“Bu il Federasiya tərəfindən çox yaxşı şərait yaradıldı. Üç dəfə təlim məşq toplantısında olduq. Gün ərzində 6 saatlıq məşqlər olub. Komandanın taxtalar üzrə düzgün seçilməsi də rol oynayır. Burada da, taktika var. İstədiyim nəticələri verirlər”
Layihə AFFA yanında Media Komitəsi tərəfindən maliyyələşdirilir
