“Fikir bildirmək üçün asan gün deyil”
14.09.2022 , 12:58
“Qarabağ”ın baş məşqçisi Qurban Qurbanov sabah Avropa Liqasının qrup mərhələsinin 2-ci turunda “Nant”la (Fransa) evdə keçirəcəkləri matçdan öncə mətbuat konfransı təşkil edib.
Korner.az xəbər verir ki, mütəxəssis əvvəlcə Ermənistan silahlı qüvvələrinin törətdiyi təxribatların qarşısının alınması zamanı şəhid olan hərbi qulluqçularımıza Allahdan rəhmət diləyib: “Danışmaq və fikir bildirmək üçün asan gün deyil. Şəhidlərimiz var. Sərhəddə döyüşlər gedir. Allah şəhidlərimizə rəhmət etsin. Allah onların ailələrinə səbr versin. Bura gəlməzdən öncə də proseslərlə maraqlandıq. Əfsuslar olsun ki, gənc övladlarımız canlarını tapşırırlar”.
Qeyd edək ki, sabah Tofiq Bəhramov adına Respublika Stadionunda oynanılacaq “Qarabağ” – “Nant” qarşılaşması saat 20:45-də başlayacaq.
