FİFA yeni reytinq cədvəlini açıqladı: Foqtslu yığmadan irəliləyiş

FIFA milli komandaların növbəti reytinq cədvəlini açıqlayıb. 

Korner.az-ın məlumatına görə, Berti Foqtsun rəhbərlik etdiyi milli komandamız ötən ayla müqayisədə iki pillə irəliləməyə müvəffəq olub.

Belə ki, yığmamız 286 xalla 116-cı pillədə qərarlaşıb. 

DÇ-2014-dəki rəqiblərimizdən Portuqaliya 7-ci (-1), Rusiya 10-cu (0), İsrail 74-cü (-8), Şimali İrlandiya 97-ci (+5), Lüksemburq isə 151-ci (-3) yerdə qərarlaşıblar.

Siyahıya İspaniya millisi başçılıq edir. Prineylilərin ən yaxın izləyicisi Argentina millisidi. Üçüncü yerdə isə İngiltərə seçməsi qərarlaşıb.

Qeyd edək ki, növbəti reytinq cədvəli aprelin 11-də açıqlanacaq.