FİFA dərəcəli Orxan Məmmədovun son iki turda Premyer Liqanın heç bir oyununa təyin edilməməsinin səbəbi bəlli olub.
Korner.az-a AFFA-dakı etibarlı mənbədən daxil olan məlumata görə, Məmmədov Topaz Premyer Liqasının 27-ci turu çərçivəsində keçirilmiş "Simurq" – AZAL matçının 44-cü dəqiqəsində meydan sahibi komandanın qapısına təyin etdiyi yanlış penalti qərarının güdazına gedib və o, bu qərarına görə cəzalandırılıb.
Məlumatı dəqiqləşdirmək üçün Hakimlər Komitəsinin sədri Xaqani Məmmədova zəng etsək də, zəngimiz cavabsız qaldı.
Xatırladaq ki, FİFA referisinin təyin etdiyi penaltini Freddi Mombonqo dəqiq yerinə yetirə bilməmiş və "Simurq" 1:0 hesabı ilə qalib gəlmişdi.
