FIFA nümayəndə heyətinin Azərbaycana növbəti səfər proqramı Hilton mehmanxanasında keçirilmiş iclasla yekunlaşıb. Korner.az-ın məlumatına görə, İclasda FIFA nümayəndə heyətinin üzvləri Oliver Vogt, Nerico Digues, Monika Huser, Diertmar Eufinger, Kim Yew və Mathew Harding FIFA U-17 qadınlararası dünya çempionatı Azərbaycan 2012-nin Yerli Təşkilat Komitəsinin üzvləri ilə görüşüblər.
Səfər ərzində baxış keçirilmiş stadionların ümumi vəziyyəti, tikinti işləri və dünya çempionatı üçün hazırlıq prosesinin gedişatı ilə bağlı iclasda müzakirələr aparılıb. Hər iki tərəfin sıx əməkdaşlığı nəticəsində görülmüş uğurlu işlərdən əlavə, həyata keçiriləcək çox tədbirlərin ümumi planı nəzərdən keçirilib.
