FİFA-nın prezidenti Canni İnfantino 2022-ci ildə Dünya Çempionatının təşkil olunacağı Qətərə səfər edib.
Korner.az-ın məlumatına görə, mətbuat nümayəndələrinin suallarını cavablandıran prezident Qətərdəki hazırlıq işlərinin sürətlə davam etdiyini bildirib:
“Əminəm ki, hazırlıq işləri vaxtında başa çatacaq. Amma, hələ ki, ediləsi çox iş var”.
2026-cı ildə təşkil olunacaq Dünya Çempionatı haqda da danışan 41 yaşlı futbol mütəxəssisi: “2026-cı ildə keçiriləcək Dünya Çempionatına bir neçə ölkə ev sahibliyi edə bilər. Əsas olan odur ki, ölkələr arasında məsafələr qısa olsun və gediş-gəliş əlverişli olsun. Əgər turnirə bir neçə ölkə ev sahibliyi etsə, o zaman yeni sistemə uyğunlaşa bilərik”.
Dünyanın ali futbol qurmunun prezidenti gələn il Rusiyada keçiriləcək Dünya Çempionatında baş verə biləcək xuliqanlıq hadisələri ilə bağlı narahatlığa ehtiyacın olmadığını bildirib.
Xatırladaq ki, keçən il Avropa Çempionatında rus və ingilis azarkeşlər arasında münaqişə yaşanmışdı.
