FİFA 2025-ci ilin ən yaxşı qolunu seçdi
16.12.2025 , 21:30
FİFA 2025-ci ilin ən baxımlı qolunu vurmuş futbolçunun adını açıqlayıb.
Korner.az xəbər verir ki, “Puşkaş” mükafatı Argentinanın “İndependyente” klubunun üzvü Santyaqo Montielə qismət olub.
Qurumun mətbuat xidmətinin yaydığı xəbərə əsasən, ilin qolu “FİFA əfsanələri”ndən ibarət münsiflər heyətinin qərarı və azarkeşlərin FİFA-nın rəsmi internet saytında keçirdiyi səsvermə nəticəsində müəyyənləşdirilib.
Santyaqo Montiel bu ada 2025-ci il mayın 11-də “İndependent Rivadavia”ya qarşı matçda cərimə meydançasından kənardan vurduğu estetik və akrobatik qolla layiq görülüb.
Qeyd edək ki, mükafata namizədlər sırasında ÇSKA-nın braziliyalı hücumçusu Alerrandro da yer almışdı. O, “Vitoria”nın formasında 20 avqust 2024-cü ildə “Kruzeyro” ilə görüşdə (2:2) qayçı zərbəsi ilə fərqlənmişdi.
