FİFA 2022-ci ildə Qətərdə keçiriləcək dünya çempionatında futbolçulara məvacib ödəyəcək.
Korner.az-ın məlumatına görə, ali futbol qurumu bunun üçün 135 milyon funt-sterlinq pul ayırmağı planlaşdırır.
Həmin məbləğ isə ötən il Braziliyada təşkil edilən dünya çempionatında xərclənən puldan qat-qat çoxdu. Belə ki, DÇ-2014-də iştirak edən 736 futbolçuya ümumilikdə 45 milyon funt-sterlinq verilmişdi.
Qeyd edək ki, 2022-ci ildə Qətərdə təşkil ediləcək dünya çempionatı noyabr-dekabr aylarında baş tutacaq.
