Cüdo

Federasiya rəhbəri cüdoçularla görüşdü

09.04.2022 , 10:17

Azərbaycan Cüdo Federasiyasının prezidenti Rəşad Nəbiyev 8 apreldə Sabirabad şəhərinə səfəri çərçivəsində Sabirabad və İmişli rayonlarını təmsil edən məşqçilər və cüdoçular ilə görüşüb.

Korner.az xəbər verir ki, görüş zamanı məlumat verilib ki, Sabirabad rayonunda 60-a, İmişli rayonunda isə 120-ə yaxın gənc və yeniyetmə cüdo idman növü ilə məşğul olurlar.

Hər iki rayondan ən son keçirilən 15 yaşa qədər yeniyetmələr arasında region birinciliklərində yer tutaraq Azərbaycan birinciliyinə vəsiqə qazanan idmançılar var. Həmçinin, İmişli rayonun yetirməsi Səid Orucov 21 yaşa qədər gənclər arasında fevral ayının sonunda keçirilən Azərbaycan birinciliyində +100 kq. çəki dərəcəsində bürünc medal qazanıb.

Rəşad Nəbiyev cüdonun daha da kütləviləşdirilməsi ilə uşaqların, yeniyetmələrin və gənclərin həm fiziki, həm də mənəvi cəhətdən sağlam yetişmələrinə dəstəyin göstərilməsinin Azərbaycan Cüdo Federasiyasının əsas məqsədlərindən biri olduğunu qeyd edib.

Hər iki rayonda cüdonun inkişafı üçün böyük potensial olduğunu vurğulayan Rəşad Nəbiyev maddi-texniki bazanın təkmilləşdirilməsi ilə bağlı tapşırıqlarını verib, məşqçi müəllimlərin uşaqlar və yeniyetmələrlə işlərini müasir tələblərə uyğun qurmaları üçün tövsiyələrini bildirib.

Son yazılar

Yuxarı