Ispaniya Kral Futbol Federasiyasının prezidenti Anxel Mariya Vilyar vəzifəsindən məhrum edilib
Bu qərarı İspaniyanın idman üzrə inzibati tribunalı (TAD) verib.
Bununla da vəzifəsindən kənarlaşdırılan qurum başçısı bu postdan birdəfəlik məhrum edilib. Bunadək İspaniyanın Ali İdman Şurası Vilyarı 1 il müddətinə fəaliyyətindən kənarlaşdırmışdı.
Buna Vilyar, onun oğlu və daha iki federasiya məmurunun firıldaqçılıq ittihamı ilə həbs olunması səbəb olub. 1988-ci ildən ölkəsində federasiya prezidenti olan Vilyar bir müddət öncə UEFA və FİFA-nın vitse-prezidenti vəzifələrindən də kənarlaşdırılıb.
Qeyd edək ki, hazırda federasiyanın prezidenti vəzifələrini Xuan Luis Larrea icra edir. Bu posta yeni seçkilər isə gələn ilə nəzərdə tutulub.
