“FC Baku” – “Şahdağ” oyunu təxirə salındı
19.04.2019 , 14:35
Region Liqasında keçirilməli olan “FC Baku” – “Şahdağ” görüşü qeyri-müəyyən müddətə təxirə salınıb.
AFFA-nın məlumatına görə, Region Liqasının II play-off mərhələsi çərçivəsində 06.04.2019-cu il tarixində keçirilmiş “Füzuli” – “FC Baku” oyununun nəticəsinin manipulyasiyası şübhəsi ilə bağlı AFFA-ya daxil olmuş məlumat nəzərə alınaraq, liqanın yarımfinal mərhələsində aprelin 22-də təşkil olunması nəzərdə tutulan “FC Baku” – “Şahdağ” oyunu Region Liqasının İşçi Qrupunun 19.04.2019-cu il tarixli qərarı ilə qeyri-müəyyən müddətə təxirə salınır.