"Qalatasaray" klubunun baş məşqçisi Fatih Terimin ailəsi məhkəməyə verilib. Korner.az-ın məlumatına görə, bu barədə məlumatı Türkiyənin "Vatan" qazeti yayıb. Xəbərdə bildirilir ki, "imperator" ləqəbli məşqçinin İstanbulun Tarabya qəsəbəsindəki evində xidmətçilik edən Olivia Dominguez məhkəməyə təqdim etdiyi ərizədə yazıb ki, Fatih Terimin ailəsi onu oğurluqda günahlandıraraq şəxsiyyət vəsiqəsini və 120 dollarını əlindən alıb, bir aylıq maaşını da verməyib.
Xidmətçi qadın olayın şahid olan Merve Terimin əşyaları oğurlamadığını bildiyi halda susmasından da şikayətlənib. Prokurorluq Fulya Terim, Merve Terim və sürücü Onurla bağlı “iftira, təhqir, təhdid və qəsb” ittihamlarını araşdırmağa başlayıb.
