Topaz Premyer Liqasının 6-cı turu çərçivəsində baş tutan “Qarabağ” – “Neftçi” matçının son dəqiqəsində qarşılaşmanın baş hakimi Fariz Yusifovun bakılıların qapısına doğru penalti təyin etməsi böyük müzakirəyə səbəb oldu.
Korner.az-ın məlumatına görə, təcrübəli referi verdiyi penaltiyə görə cəzalanacaq.
İş burasındadı ki, “Neftçi” rəhbərliyi də məsələ ilə bağlı öz iradını Hakimlər Komitəsinə bildirib. Komitədən də lazımı ölçü götürüləcəyini, Yusifovun cəzalanacağını, onun bir müddət “Neftçi”nin oyunlarında baş hakim olmayacağı klub rəsmilərinin diqqətinə çatdırılıb.
Bizdə olan məlumata görə, Yusifov səhv qərarına görə Premyer Liqanın qarşıdakı 5 turu ərzində məcburi istirahətə çəkilməli olacaq. Ən yaxşı halda Yusifov birinci divizionda keçiriləcək qarşılaşmalara təyinat ala bilər.
Qeyd edək ki, Azərbaycan derbisi 1:1 hesabı ilə başa çatmışdı.
Sport7.az