Famil Xəlilov: “Rəqib meydanında qol vurduq”
02.10.2019 , 21:34
UEFA Gənclər Liqasının Çempionlar yolunun I mərhələsində keçirilən APOEL (Kipr) – “Qəbələ” ilk matçından (1:1) sonra “qırmızı-qaralar”ın baş məşqçisi Famil Xəlilov açıqlama verib.
Korner.az klubun saytına istinadən xəbər verir ki, baş məşqçi oyunla bağlı fikirlərini bildirib:
“Səfər oyununda istəyimiz qol vurmaq idi. Futbolçuları təbrik edirəm. Sona qədər çox yaxşı mübarizə apardılar. Rəqib meydanında qol vurduq. Bu, bizim üstünlüyümüzdür. Səfərdə qol vurduğumuz üçün üstünlük bizim tərəfimizdədir. Lakin hər şey bitməyib. Qəbələdə daha yaxşı mübarizə aparmaq, mərhələ keçməyi hədəfləmişik. Komandamız matça bir az həyəcanlı başladı. Amma vaxt keçdikcə futbolçular uyğunlaşdı. Bir neçə qol imkanımız oldu. Lakin yararlana bilmədik. Mübarizəyə görə komandanı təbrik edirəm”.
