Fransa 1-ci Liqasında mübarizə aparan "Monako" Radamel Falkao ilə yola davam etmək qərarına gəlib.
Korner.az-ın məlumatına görə, klubun vitse-prezidenti Vadim Vasilyev kolumbiyalı futbolçuya yeni müqavilənin təklif olunacağını bildirib.
Həmçinin adı daha böyük və zəngin komandalarla hallanan baş məşqçi Leonardo Yardimi də əldən buraxmaq fikirlərinin olmadığını deyən vitse-prezident:
"Yardimlə görüşüb müqavilənin müddətini uzatmağa çalışacağıq. Mən onun uzun müddət burda qalmasını istəyirəm. O, bizim baş məşqçimizdi və ayrılmaq istəmədiyi müddətcə bu, belə olacaq".
Qeyd edək ki, Yardim 2014-cü ildən Fransa təmsilçisini çalışdırır.
