Fabreqas “Çelsi”dən ayrılır?
07.10.2018 , 20:03
Çelsi” ilə müqaviləsi mövsümün sonunda başa çatacaq Sesk Fabreqas gələcəyilə bağlı danışıb.
31 yaşlı yarımmüdafiəçi London klubunda qalmaq istədiyini deyib: “Sözün düzü, klub mənə heç bir şey deməyib. 8 ay sonra müqaviləm başa çatacaq. Əgər heç bir şey baş verməsə, ayrılacam. Burada xoşbəxt karyera yaşadım. Çox uğurlar qazandım”.
Fabreqas karyerasını “Çelsi”də başa vurmayacağını deyib: “Düşünürəm ki, bir neçə il sonra karyeramı Avropadan kənarda davam etdirəcəm. Karyeramın sonlarında başqa macəralar yaşayacam”.
İspaniyalı futbolçu komandanın baş məşqçisi Mauritsio Sarri barədə xoş sözlər səsləndirib: “Kaş Sarri komandaya daha erkən gələrdi. Onunla birlikdə çalışmaq zövq verir. Karyeramın son zamanlarında gəlməsi bir az pis oldu”.
Qeyd edək ki, Fabreqas 2014-cü ildən “Çelsi”də çıxış edir. İspaniya millisinin üzvü daha öncə “Arsenal” və “Barselona”da da oynayıb.
