Çempionlar liqası

“Fərqli hisslər keçirdim, duyğulu idim” – Aqolli

26.07.2018 , 11:25

“Qarabağ”ın futbolçusu Ansi Aqolli Çempionlar Liqasının 2-ci təsnifat mərhələsinin “Kukesi” ilə səfər oyunu (0:0) ilə bağlı fikirlərini bildirib.

Albaniyalı müdafiəçi ölkəsinin mətbuatına müsahibəsində Bakıda keçiriləcək cavab matçı haqda da danışıb.

– Albaniya komandasına qarşı oynamaq necə hissdir?

– Uzun illərdir Avropada müxtəlif klublara qarşı oynasam da, duyğulu idim. İlk dəfə Albaniya komandasına qarşı meydana çıxırdım. Fərqli hisslər keçirdim.

– “Kukesi”nin belə çətin rəqib olacağını düşünürdünüz?

– “Kukesi” əvvəlki seçmə mərhələlərdə yaxşı komanda olduğunu göstərmişdi. Bizə çətin olacağını bilirdik.

– “Kukesi”nin baş məşqçisi Kunqu taktiki sxemi ilə sizi təəccübləndirə bildi?

– Həmişə demişəm ki, Kunqu alban komandaları üçün əsl ustadır. Müdafiə olunmağı yaxşı bacarır. Oyundan öncəki proqnozum da özünü doğrultdu.

– Azərbaycanda keçiriləcək cavab  oyunundan nə gözləyirsiniz?

– Bu turnirdə şey 180 dəqiqədə həll olunur. Arxayınlaşmaq üçün vaxt yoxdur. Ola bilər ki, növbəti oyun 90 dəqiqədən artıq çəksin. Bəzi səhvlərimizi təkrarlamamalı və bütün imkanlardan istifadə edib növbəti mərhələyə yüksəlməliyik.

– “Kukesi”nin şansı var?

– Şəxsi təcrübə əsaslanıb deyə bilərəm ki,  futbol proqnozları sevmir. Burda hər şey ola bilər. İndi nəsə desəm, düzgün olmaya bilər.

Son yazılar

Yuxarı